台灣~台中(清境/谷關)~花蓮~墾丁~高雄~澎湖(馬公/七美)
DAY 1:
香港 - 台北 - 台中(谷關)
粒粒玲子難得與朋友夾到時間一齊旅行，咁啱又話遇到颱風，不過幸好颱風"天秤"對台北機場無影響，粒粒玲子團可以如期出發，一落機到台北桃園機場居然有陽光出現，感謝各方好友代禱，成個trip個颱風好似就住我地個行程咁，每日起身就陽光普照，遠離時先落雨，超感恩啊。
25/08/12-2/09/12
9
days
落機後去攞車，之後就立即直奔月眉天馬牧場，車程2小時，園內大部份動物自由走動，可以好接近咁親親草泥馬，不過月眉天馬牧場入面比起其他國家既牧場較簡陋。
月眉天馬牧場
但入面既羊駝(草泥馬)依然咁可愛，如果响第二度睇羊駝(草泥馬)，未必可以咁近距離接觸佢地。
機票 :
25AUG KA 香港HKG 1240 - 高雄KHH 1410
02SEP KA 高雄KHH 1505 - 香港HKG 1630
機票15,000里 + 稅及附加費HK$638
(付款時可選擇用其他外幣付款，最後選擇了以日元及用富邦付款，可賺取8倍積分)
台灣租車：(左軚)
車型 HyundaiStarex 2.5(座位8+1人)
取車 25 JUL 桃園機場接回門市(車程約 20min )
還車 30 JUL 高雄機場還車
NT$19,050
兌換外幣台幣 :
在台灣機場兌換台幣匯率較好
親親完草泥馬再駕駛1個鐘頭車就到咗谷關伊豆日式露天溫泉。伊豆~四人房，共二層。
谷關伊豆日式露天溫泉
地址：台中縣和平鄉谷關分校巷5號
電話：(04)2595-0315
房內私人露天溫泉。谷關屬於溫泉區，但食肆店舖不多，就連人流都極少，呢度已經係當天最旺食肆，D食物出乎意料好食，價錢又平。
DAY 2:
台中清境 - 花蓮
行程無受颱風天秤影響，又一個SUNNY DAY，食飽飽早餐後就駕車到清境，車程約2小時。
3年前到過清境時對呢個地方印象好深刻，今次再度到訪發覺多咗好多具規模既民宿及商店，最後選擇咗去呢間紙箱王lunch。飲品可以帶返屋企做錢箱，玲子就用黎做咗筆筒。全間餐廳既傢俬都係用紙做架，有興趣可以逛吓SHOPPING。
清境話大唔大，話細唔細。粒粒玲子認為寄POSTCARD俾朋友係一樣唔錯既手信，選擇係海拔1750既高山寄張POSTCARD比你記掛住既人啦。
由清境到太魯閣要經過合歡山，山路又窄又多彎，重要遇著大霧，能見度只有一個車位距離，今次已經係第二次行呢段路，上一次玲子已講過唔好再行，但為咗帶團友們睇多啲景點無法地要再重遊此地，but經過今次後，粒粒自己都話唔會再行呢條路！
由於合歡山到太魯閣呢段山路太崎嶇，同海拔達3158偏高，導致有2名團友不適，其中1名團友小河馬連續嘔2個鐘，粒粒係零晨1am要送小河馬入急症室，玲子在此要讚揚一下台灣既急症室，係玲子為小河馬登記時已有護士幫小河馬量血壓，登記好了已可以直接見醫生，醫生好快就診斷幫小河馬打止嘔針及安排係床上休息下睇下有無大礙才走，到最後逗留1個鐘頭後找數只係800蚊台幣。
玲子成日諗住到台灣居住，曾經擔心過如果外國人就醫醫療費用會唔會好貴，經過今次後令玲子又多一份信心，要繼續為於台灣退休努力做好準備^^
花蓮位於台灣最東面，係睇日出既最佳景點，花蓮沿海有多間民宿可以係自己房間就睇倒日出，今次粒粒玲子團就book咗浪花一朵朵等待海岸線日出。
浪花一朵朵
地址：花蓮縣壽豐鄉鹽寮村鹽寮76號
電話：0915-378305
DAY 3 - DAY 4
花蓮(太魯閣/蘇花公路) - 高雄
第三天行程依然係天朗氣清, 我哋先遊覽花蓮地標~蘇花公路清水斷崖及太魯閣, 因為香港旅行團較少選擇呢個境點, 所以粒粒玲子特意帶佢哋反黎呢度, 不過如果你哋有興趣前往既話, 要小心駕駛, 因為呢度經常有交通意外發生! 太魯閣中橫公路及蘇花公路多落石，前者亦入選世界十大危險公路之一 。
離開花蓮, 就係駕駛超級長途車往墾丁, 並打算途徑台東睇花海, 不過呢程車.........太長了, 絕不建議直踩落去!
唔好意思所位團友，粒粒玲子出賣咗大家。
因為途徑台東，食咗當地出名的老東台~米苔目，但並非一般人啱食，哈哈。
8至9月正值係花東縱谷及六十石山睇花海時分, 可惜因為颱風關係 令天氣非常惡劣, 上六十石山既路封咗, 而本來呢日係直落墾丁，但民宿堅決退款極力游說不要前往，因為擔心海水倒灌，好彩早一晚更改行程及酒店於高雄御宿落腳, 避一避呢個強勁既颱風! 唔知係咪因為太疲倦, 到高雄御宿時覺得呢間旅館超舒服, 有免費洗衣房、wifi、自助早餐、勁多電視台，又有免費泊車及勁近高雄火車站(對面), 最重要係平(雙人房1600台幣),有機會再到高雄遊都會再住呢間旅館,而晚餐我哋就選擇咗去六合夜市搞掂, 步行前往亦只需要10至15分鐘!
第二日因為仍受颱風影響，於是輕輕鬆鬆响高雄遊下三多商圈，之後就遊埋小河馬最喜歡既夏威夷小結他專門店，再去埋夢時代逛吓 ~ 有免費泊車既大型商場，頂樓有摩天輪同兒童遊樂園，晚餐今次去咗比較多本地人去既瑞豐夜市。
台灣烏克麗麗專門店 地址：高雄市前鎮區三多三路201號 電話：(07) 338-2520 http://www.ukuleletaiwan.com/ukulele-taiwan-contact-us.html
DAY 5
墾丁
由於天氣好轉，而大家又想落去墾丁逛吓，所以依隨舊行程。只係2年無黎墾丁，民宿開多咗，景點更有規劃 <最南點>多咗個大型停車場，一路行落去時多咗間餐廳叫 <最南點>，起初還以為係<最南點>已包裝為一間餐廳？！好在粒粒玲子之前黎過，記得<最南點>係有一個石碑的，亦唔需要收費，去墾丁<最南點>時要一直行一直行到最落，唔好比間餐廳呃咗呀！
未CHECK 得IN住，先去好多年前呀蘇介紹過既"三年九班"食起司豬扒。起司豬扒還可以，但入面格局係以台灣學校做主題，回到那些年感覺。
是日住宿夏都沙灘酒店(海角七號响呢度拍)，雖然貴D(但可留意會定期推出優惠方案，會包埋早晚餐)，但住一晚感受下亦不過份。除海灘外也有酒店泳池+溫水按摩池提供。晚餐當然要去墾丁大街掃街啦。
DAY 6
澎湖(馬公)
係高雄機場搭立榮航空只須半個鐘就到馬公。記得上次搭"復興"，今次搭"立榮"，當時搭感覺好安全，但知道最近出事後，有D不安，不過最近一D航空公司於暑假期間做直航香港去澎湖OR台東(Update 2015)
經過上次黎澎湖學精了，係去七美前一日最好住近馬公市以便去碼頭或租車，沐光之居價錢合宜(含早餐及一次接送)，步行去馬公市租車約10分鐘，不過就唔近碼頭，但啲房唔錯架。
沐光之居地址: 澎湖縣馬公市民族路96號http://www.spiritual.com.tw/~
一落機Check in 後就先到粒粒玲子最愛既飯堂<城隍廟前燒肉飯>，呢間店入選咗台灣百大小吃店之一必點小吃: (1)排骨花枝(2)燒肉飯(3)雞腿花枝
http://www.101dr.com.tw/101vote/2012top100/personal/1CD27DF9EEF0
地址：澎湖縣馬公市光明路20號
食完就去咗行中屯風車，中屯風車對出公路可以睇埋日落。今次朋友介絡去大義宮既宮底參觀 ~ 天然珊瑚洞地址：澎湖縣西嶼鄉竹灣村75號洞裡全由珊瑚礁堆砌而成，好似去咗龍宮咁，洞內養咗幾隻大海龜，有保育人士覺得將海龜於宮底飼養係不人道，但呢幾隻龜已係度生活咗咁多年，放出大海唔知能唔能夠自己生存度呢不過希望佢地唔好再捉其他海龜入黎養吧~
粒粒最愛既玉冠嫩仙草，次次黎都係滿座。玲子一個實食唔哂，適合小俩口食一個綜合口味。可以去埋漁人碼頭逛吓買手信或者玩吓攤位遊戲。
DAY 7 - DAY8
澎湖(七美)
為咗去七美,呢日要6:30am出門去南海碼頭,最慘係到七美希拉小宿時只係9am,民宿於10am先退房,待執房後要11am先能入房,超攰…..雖然身心疲倦,但可以係七美細味神所創造既大自然,幾幸苦玲子都想再去!!!!
由於七美係小島中既小島，自然係較落後，另一方面睇係純樸天然，希拉小宿已算係當地較企理既民宿，有興趣去七美留一晚既話要早Ｄ訂房今晚又要４人共處一室。
又到咗揾食時間。可能已過Lunch時段，好多食店都已關門，見到阿月之店有開所以入去一試。見餐牌上有好多種類，但有好多都無晒材料，老闆娘介紹海膽炒飯，心知可能"領領地野"，玲子又唔鍾意食海膽，但最終都係試咗。一試便知龍與鳳，估唔到係超好食呀，材料新鮮又香又唔貴。島上有超市及便利店，主要用電單車代步。
七美最出名既當然係＂雙心石滬＂。島上沿岸有唔少沙灘及浮潛區，粒粒玲子都自攜浮潛裝備玩咗幾粒鐘，不過要小心安全及量力而為，或可在島上俾錢玩浮潛架。士多會有些少煙花、天燈賣，記緊玩完要清理好才離開。
最後一日，離開七美返馬公喇會途經澎湖玄武岩，堪稱世界奇景，長長方方既火山熔岩座落汪洋大海上，途中亦會响望安停留。
最後一晚住宿人魚之丘，玲子向民宿打聽咗退潮既時間，一落船就特意去奎壁山體驗一下過紅海既感覺因為奎壁山潮漲時潮澗步道會全被海水淹沒架~
自駕遊TIPS：
1. 台灣自駕需要小心，粒粒認為咁多次自駕當中最困難的地方，市內自駕人多車多，尢其是多機車左穿右插，加上道路複雜，指示不清晰，而晚上駕駛燈光極不足夠，若有需要可找前坐乘客幫手留意路面狀況。郊外自駕比市內自駕安全單，但要留意機車易線行車，哈哈
2. 2016年6月更新了在台灣自駕遊無需要國際車牌，只要本港駕照就可以了(留台不超過30天)。
3. 台灣較偏遠地區的租車公司，有機會不租車給外國人，最好先查問租車公司。
4. 台灣租機車的費用沒有包括基本車保，亦沒有提供此服務，敬請小心駕駛。
5. 太魯閣中橫公路及蘇花公路多落石，前者亦入選世界十大危險公路之一
6. 台灣外島幾乎無汽車可以租，只有機車(香港的電單車)、電動單車或單車，駕機車係要有駕駛執照架，出發前最好與民宿溝通好，並要留意近年好多遊客在台灣自駕遊發生交通意外，而保險方面出現問題。