日本~青森~十和田湖

DAY 1 - DAY2

香港 - 東京 - 青森 - 十和田湖

每年入秋也是賞紅葉既時分，到日本有蘋果之鄉稱譽既青森，邊品嚐清甜蘋果邊賞欣賞遍地紅葉，人生一大樂事。

由於11月7日預計6am 要到羽田機場，選擇咗一間提供免費shuttle bus，往返於機場只需10分鐘車程既酒店

Hotel MyStays Haneda（ホテルマイステイズ羽田 ）

〒144-0043 東京都, 大田区羽田5-1-13, 日本

雙人房+WIFI  ¥10,800

第二朝一落機到青森機場就立刻攞車直接駕駛到十和田湖。由青森機場經可欣賞紅葉既路段到十和田湖，車程大約2小時 (青森機場 - 八甲田山 - 奥入瀬渓流 - 十和田湖)觀賞紅葉時期為10月中旬-11月上旬，不過今年青森11月頭已落了第一場雪，所以紅葉已開始枯乾............

​

到十和田湖到湖邊小遊，品嚐了可能係全世界最好既蘋果批，因為有好既心情及環境，使呢個蘋果批更美味可口。

​

十和田湖畔，擁有湖泊迷人景色。

呢間酒店除咗係舊咗啲之外，服務、位置、設施、食物質素都不錯的，去得呢D湖泊既地方，附近無店舖或就算有既都係早關門，所以於酒店食埋Dinner最穩陣。

Towadako Lakeside Hotel 十和田湖レークサイドホテル

〒018-5501 秋田県, 十和田市, 奥瀬字十和田湖畔休屋486, 日本

雙人房+泊車+早餐+晚餐+WIFI  ¥22,000

酒店晚餐比想像中更驚喜，供應各種精緻當地既日本料理，看得出廚師的用心。

既然廚師咁用心，縱使粒粒玲子有D食物不太喜歡，都盡量食晒所有食物，最後當然俾我地清晒啦。

​

DAY 3

十和田湖 - 弘前蘋果公園

離開十和田湖之前，都逛一逛先，呢度有手信賣，有食肆。而手信當然係.....，沿湖邊行，有古舊既神社，不過粒粒玲子對呢D興趣不大。

離開十和田湖，成個青森都找到蘋果既足跡。如果唔係自駕遊的話，可以乘坐JR 到弘前駅，再轉乘循環巴士至「りんご 公園」站

弘前蘋果公園〒036-8262弘前市大字清水富田字寺沢125番地電話 ： 0172-36-7439

http://www.hi-it.jp/~ringo-kouen/

全日本五成既蘋果出產都來自青森縣，位於青森縣既弘前市蘋果公園係全日本最大既公營蘋果園，於 8 月末至 11 月中期間到訪蘋果公園，遊客可親身體驗採摘蘋果，因為呢段時間係青森蘋果既收成期。入場免費，採摘蘋果每公斤 200 日圓，超級便宜。

​公園入面都幾舒服架。

黎到一定要試下蘋果咖喱炸豬排定食+蘋果批喇，仲可以買埋手信返香港。

原本計劃住係五能線近十二湖那邊，但一晚要一千蚊起，最後決定住返係青森市，呢間酒店真係好超值，這價錢來說，位置和房間也不錯! 網絡速度很快，大堂休息空間也很舒適。

Art Hotel Color Aomori (アートホテル カラー 青森)

〒030-0801 青森県, 青森市, 新町2-5-6, 日本

雙人房+WIFI ￥4,000

DAY 4 - DAY 5

十二湖 - 青森市

由青森市經五能線駕車到十二湖車程約2小時30分鐘，途中見到一棵又大又美既銀杏樹。由於青森近北海道，紅葉比其他日本地區會早出現，如果早2星期前約10月中到，相信可以見到壯觀既紅葉美景，不過就算未有壯麗紅葉，但粒粒玲子依然感到呢度非常舒服美麗。

經過2.5小時既車程終於到咗。搜集資料時見好多唔識影相既旅人都影到青池好似九塞溝咁靚，但原來無陽光做spotlight真係影唔倒個效果..........

十二湖 しらかみ十二湖株式会社 (白神山地)

〒038-2206青森県西津軽郡深浦町大字松神字下浜松14

電話：0173-77-3311

後一日還車後就漫遊青森市，青森市既主要景點都非常近，用腳走就可以了~先為大家介紹新鮮抵食既青森市民の台所『青森魚菜センター』のっけ丼』，要到案內所買10枚(1,080円) 或 5枚 (540円)既食劵，案內所旁就有間店可以用一枚既票換一碗飯，去到啲食店就選擇你想要既食物，再用票換食物，店主就會放落你個碗內。市場內有幾個位置提供熱茶同餐具供大家坐下慢慢品嚐，咁新鮮豐既日本料理只售1,080円(約HK$80) 材料重要係自己選擇既，超棒啊~現場都有唔少日本本土遊客黎呢度食野架。

青森市民の台所『青森魚菜センター』のっけ丼』

青森市古川1-11-16

營業時間：7am ~ 4pm

青森位於海邊，由JR青森站沿著海邊就可到不同景點。青森縣觀光物產館，唔駛寫地址比大家，因為去到青森市一定會見到呢個巨型三角型，青森縣觀光物産館係一個提供青森觀光、物產、鄉土藝能等各種資訊的資訊中心。入面又點會無蘋果批賣呢，當然買了人氣NO 1既蘋果批，蘋果清甜，酥皮又香又酥又鬆化，真的不錯。

之後沿住海邊就可以去到A–FACTORY，呢度有各種各樣既土特産品，亦可以閒逛或品嚐美食，休閒好去處。

http://tcn.aptinet.jp/message/110117.html