IMG_7647a
DSC00559aaaa
IMG_5393
03.jpg
a24.jpg
a6.jpg
a4.jpg
a4.jpg

台灣~馬祖~台北

機票  :

20APR CX  香港HKG - 台北TPE 

24APR CX  台北TPE - 香港HKG

 

8折里數推廣優惠@機票12,000里 + 稅HK$386
 

20/04/17-24/04/17
 
​5
days
台灣租車:(左軚)

租車 23APR  松山AVIS

還車 24APR  台北桃園機場

 

 

DAY 1-2:

香港 - 台北 - 馬祖南竿

對的季節去對的地方,每年春夏4~9月時期就可以欣賞季節限定馬祖藍眼淚,去馬祖有幾個方法

1. 由台灣台北松山/台中轉內陸機 (50-65分鐘)
2. 由台灣台北基隆港轉船 (8-10小時)
3. 由中國福州馬尾/連江黃岐港轉船 (30-60分鐘)

想請少啲假,又可以玩盡啲,最後選擇咗方法2.

預先Book定架車,由台北機場直到基隆港~ NT$1,200
之前搵咗幾間報價都差不多價錢,最後選擇湯尼哥包車,因為有WHATSAPP方便聯絡
http://o-point.net/taiwanwu88/travel-car.htm

兌換外幣台幣  :

在台灣機場兌換台幣匯率較好

一到基隆港碼頭,立刻按下面﹝已訂位號碼牌﹞,等了約20分鐘到櫃台提供護照後就換到船票

臺馬之星 經濟艙親子床  2人共NT$1,680
23/4/17    基隆 2220  南竿 0830
http://www.shinhwa.com.tw/

早上08:30am到達馬祖南竿,如果好天氣,可以在船上睇日出。馬祖津沙聽海民宿店主駕車接船。

由台灣到台灣竟然要坐10個鐘頭船,好在book到有床位,如果賣哂床位,呢程夜船就要坐呢啲位渡過啊。肚仔餓可以去小賣部醫肚。雖然天氣不似預期,但坐夜船係一個特別既體驗

選擇南竿鄉馬祖津沙住宿,係因為呢度就係可以欣賞藍眼淚既地方。民宿對出既沙灘就可以欣賞到,不過當晚天氣差,睇唔到啊

南竿鄉馬祖津沙

網上好多人必食推介 依嬤的店

依 嬤 的 店

電話: 0836-26125、0912-261414

地址: 馬祖南竿鄉復興村(牛角)72-1號

依嬤的店位置不容易找到,可以以步行約3分鐘既復興村牛峰境五靈公廟為目標,就一定會經過 依嬤的店

馬祖酒廠設南竿廠、東引廠。南竿廠以生產大麴、高梁、藥酒和陳年老酒最受歡迎。南竿廠與東引廠都設有展示館,不論團體或個人,都歡迎入內參觀、品酒。

位於酒廠斜前方不遠處的「八八坑道」,主體由花崗岩構成,相傳是先民躲避海盜的藏身山洞。國軍進駐馬祖後,坑道重新整建,完成於先總統蔣公八十八歲誕辰,因此得名,現成為遊客必訪的景點。八八坑道是軍方戰備用途的戰車坑道,後來由於坑道中段塌陷,戰車撤走後,曾經在軍管時期充當馬祖電信局的上班地點及電信機房,如今則已成為馬祖酒廠窖藏老酒與高粱酒的最佳場所,遊客一靠近坑道口,就可聞到濃濃酒香味。

整個坑道充滿酒香,此處不能逗留太耐,因為只用鼻吸入也會醉啊~哈哈

馬祖開鑿了不少為戰略需要的「地下碼頭」,專供游擊戰艇停泊使用,而北海坑道現時就供遊客參觀

北海坑道有獨木舟供遊客遊覽,夜間更可坐舟觀賞藍眼淚,開放時間可瀏覽以下網址
http://www.matsu-nsa.gov.tw/User/OpenTimeList.aspx?a=624&l=1

 
DAY 3 

​馬祖北竿

由馬祖南竿到北竿,每日約有10班船,一小時一班,船程只需20分鐘,到碼頭買票後就可直接到碼頭上船

一落船民宿主人就接粒粒玲子到有亞洲地中海有之稱既北竿芹壁村

芹壁係馬祖閩東建築最具代表性既聚落,保存極為完整,原本因人口外移出現空屋群,係政府修繕下,再次改建為民宿以及藝文空間等,讓芹壁呈現出多樣化風貌

JUST coffee&hostel 家適咖啡民宿 就係呢條芹壁村入面

民宿既老闆&職員都好友善親切,仲有養咗一隻大花貓

如果你咁唔好彩訂唔到房,都要試下呢度既焦糖窩夫,焦糖香甜可口,一試難忘

隔天早餐點了馬祖漢堡,不妨一試

最喜愛住這些活化文物既住宿,這就是粒粒玲子的房間啊~

麻雀雖小,五臟俱全,呢一間係複式房間,共可供4人住宿 ~ 一間溫馨可愛既房間

來馬祖主要碰碰運氣睇藍眼淚,所以也無去咩景點,先到08據點觀察,以便晚上來睇藍眼淚

於大街有不同既食店,這間假日小館有不少阿兵哥來光顧,果然價錢與食物也很讚!

到天黑,立刻出發去找藍眼淚,行去塘后沙灘途中,有導遊帶一團人,邊行邊說那邊可看到藍眼淚,果然去了對的地方,雖然還未到最旺季最多既時候,但見到有藍眼淚已覺得幸運及興奮!

 
DAY 4

台北

假期太少,不能停留太久,有機會的話,一定會再來馬祖北竿 ~~ 訂好內陸機,唔需要1小時就可飛回台灣本島台北

台灣係粒粒玲子打算退休既地方,一到台北見到台灣都大力推行儲亞洲萬里通,將來退休可以繼續粒粒玲子既里數人生 ~

因為只能一日遊,所以把握時間,一落機就取車出發,剛好這段時間 Rentalcars租車有2X里數優惠及額外250里數推廣,透過Rentalcars於AVIS 安維斯租車,輕鬆賺取里數

南門市場主要售賣台灣傳統美食市場,二樓設有美食小吃攤位,售賣各種南北小吃美食,價廉物美各有特色

快車除出名肉乾外,涼果NUTS都好出色啊 ~

今次黎南門市場最大目的係試呢一間『天下第一攤 ~ 億長御坊』精緻家常美味盡在億長御坊,億長御坊於南門市場創立迄今已是逾五十年之老字號

南門市場 
台北市中正區羅斯福路一段8-1號

去勻全世界outlet既粒粒玲子,點都要會一會台北新開張既outlet,呢個outlet夠多舖頭,比啲心機都可以搵到節扣多既貨品,食店又多選擇,可以預半日至一日在此逗留

MITSUI OUTLET PARK 林口

新北市林口區文化三路一段356號

除南門市場外,今次主要係桃園搵特色景點美食,復興航棧位於機場附近,但好多人特登駕車黎買包包,好食既包最大既特色係 ~ 明明你好飽,依然想繼續食埋佢 ~呢個就係玲子既食評 ~完

復興航棧‧幸福烘焙屋
桃園市大園區三民路一段538號

食完包包就去食海鮮,竹圍漁港同機場距離約10分鐘車程,下次可以預留時間黎食埋餐海鮮先上機

 

竹圍漁港

桃園市大園區沙崙里1鄰港口

場內有好多新鮮海鮮,亦有週邊產品 ~ 魚乾、魷魚絲及昆布等等,可以在一樓採買後到二樓搵餐廳代客料理

一樓有啲店舖有即食刺身,視覺同味覺既享受,仲做緊推廣送了養生冰花,入口清甜多汁,好難得健康既食品可以咁好味

南方莊園渡假飯店

320桃園市中壢區樹籽路8號

南方莊園渡假飯店位於桃園,距離高鐵桃園站8分鐘車程,設有溫泉、遼闊的綠地和3 間餐廳。南方莊園渡假飯店距離中壢夜市4公里,距離桃園國際機場14公里。其他設施 ~ 游泳池、健身房、兒童遊戲室,飯店設有好多親子活動,非常適合一家大細來玩啊 ~

 
注意事項

以上係取自前人的努力,記錄咗馬祖藍眼淚出沒地點圖

- 4-9月是馬祖看藍眼淚季節

- 4-6月是夜光藻好發期,是最佳時機

- 風向為南風,強風起浪,較有機會看到

- 新月月光亮度較少,在黑暗地方,較容易欣賞藍眼淚

- 乾潮與滿潮之間,經由潮汐的擾動,夜光藻才會出現光芒形成藍眼淚。記住留意滿潮與乾潮時間

 

​最佳時機係農曆22至初七

自駕遊TIPS:

1. 台灣自駕需要小心,粒粒認為咁多次自駕當中最困難的地方,市內自駕人多車多,尢其是多機車左穿右插,加上道路複雜,指示不清晰,而晚上駕駛燈光極不足夠,若有需要可找前坐乘客幫手留意路面狀況。郊外自駕比市內自駕安全單,但要留意機車易線行車,哈哈

2. 2016年6月更新了在台灣自駕遊無需要國際車牌,只要本港駕照就可以了(留台不超過30天)。

3. 台灣較偏遠地區的租車公司,有機會不租車給外國人,最好先查問租車公司。

4. 台灣租機車的費用沒有包括基本車保,亦沒有提供此服務,敬請小心駕駛。

5. 太魯閣中橫公路及蘇花公路多落石,前者亦入選世界十大危險公路之一

6. 台灣外島幾乎無汽車可以租,只有機車(香港的電單車)、電動單車或單車,駕機車係要有駕駛執照架,出發前最好與民宿溝通好,並要留意近年好多遊客在台灣自駕遊發生交通意外,而保險方面出現問題。