台灣~宜蘭(蘇澳)~花蓮(太魯閣/蘇花公路)~台北(九份/十分/烏來)
機票 :
22APR CX 香港HKG - 台北TPE
26APR CX 台北TPE - 香港HKG
其中4位~ 機票HK$1,470 + 稅及附加費HK$620
其他4位~ 機票15,000里 + 稅及附加費HK$660
(付款時可選擇用其他外幣付款，最後選擇了以日元及用富邦付款，可賺取8倍積分)
22/04/14-26/04/14
5
days
台灣租車：(左軚)
車型: HYUNDAI STAREX 2.5 9人座車
租車 22APR 1600pm 桃園國際機場小馬租車
還車 26APR 1100am 桃園國際機場小馬租車
因4/26(六)為假日，當日折扣打8折
當日車租為：NT$4,500*80%=NT$3,600
總計車租：NT$13,050+送車費NT$2,400=NT$15,450元
DAY 1:
香港 - 台北 - 宜蘭 羅東夜市
人生其中一個目標，就係希望能帶家人看看這個地球.....首站當然係粒粒玲子最愛既台灣。
DAY 2:
宜蘭三星鄉 - 武陵農場 - 花蓮
宜蘭火車站旁有一個幾米公園，如果係幾米既粉絲，要黎呢度逛逛啊。
一到台北，隨即攞車落宜蘭，仲同父母們去‘掃街’，佢地都好開心，有種帶佢地去返後生時候既感覺，個個都手舞足蹈。
第二日既行程係挑戰老人家既耐性同腰骨，因為粒粒玲子會從宜蘭經武陵農場去花蓮，要坐2段3個鐘既車程，幸好是自駕遊，可隨時停車去廁所、買野食、週圍影
宜蘭三星鄉最出名係蔥，所以出發前先比啲甜頭團友們，食個靚早點 < 宜蘭三星阿婆蔥油餅-堅持傳統的好味道! >，呢間蔥油餅 好出名，有官方網址架，記錄咗阿婆對蔥油餅既一份堅持，婆婆，加油啊！
阿婆蔥油餅
宜蘭縣三星鄉三星路七段318號
食完傳統口味蔥油餅，經3個鐘既車程，終於到咗武陵農場。武陵農場於2月有櫻花，10月有紅葉，規模亦唔細，上雪霸山頂亦都响呢度，可惜今次黎到唔啱季節，無咩花可以影。
兌換外幣台幣 :
在台灣機場兌換台幣匯率較好
需要再經3個鐘車程，才到花蓮，所以記住入滿油呀。
是晚既住宿-花蓮海月海景精緻民宿
地 址：花蓮縣壽豐鄉鹽寮村176號(海洋公園三分鐘車程)
訂房專線：0910-947849‧(03)867-1397(耿小姐)
http://www.seamoon.com.tw/
大堂位置係供早餐既地方，個個位置都可以觀賞到一望無際既海景。感覺未夠親近大自然？可以直接坐出花園，細味豐盛早點。露台對出就可以見到太平洋既日出，家人都很喜歡呢度，因為在香港無機會享受呢種生活...呢個旅程未完，家人們已經話要在未來日子再去一次台灣沿海地方。
DAY 3
花蓮 太魯閣 - 清水斷崖 - 蘇澳漁港 - 基隆夜市 - 九份
依依不捨離開花蓮，向九份出發。途經好多景點，先帶團友們去太魯閣感受<風雲>場景，而太魯閣一帶亦係出名影銀河既地方，不過要睇運氣。最後沿蘇花公路經清水斷崖出返去九份。
午餐去蘇澳食海鮮，在網路上搵倒間比較多人推介既食店。由於太肚餓，所以掛住食唔記得影相，但食咗幾款食店同網友推介既菜色都好掂，不過相信食咩都好食，因為夠新鮮，反而問題是價錢，比香港平，於台灣食海鮮算中價。蘇澳係一個好舒服既漁港，係南方澳漁港有好多小店賣海味乾貨，價錢合宜，大伙兒係度大出血呢！大出血後，仲過咗隔離南安國中行沙灘，好鬼寫意。
永豐活海鮮餐廳
宜蘭縣蘇澳鎮（原南方澳永豐）蘇東北路1-7號
Tel：039-963765
http://www.yf-seafood.07168tw.net/
終於到達九份住宿-美好時光，外型及室內都好靚好舒服，與九份大街相距5-10分鍾落樓梯路程，車要泊咗民宿外約100米地方，來往九份道路較狹窄，如自駕遊耍小心駕駛。
Good Time B&B
TEL:+886-2-2496-0326 / +886-987-568783
ADD:新北市瑞芳區崙頂路39之2號
http://goodtime.okgo.tw/index.html
Check in後大家再踩落基隆夜市掃街返九份民宿繼續食食食。途中加了一些小插曲，戰友突然爆軚，粒粒同玲子姐姐於老鼠橫行既基隆夜市旁好似打機咁要續關續關咁過，首先要搵下有無後備軚，之後再搵有關工具，又要搵下說明書，最後又驚俾車車死，多過俾老鼠咬死……呢次自駕遊經驗值粒粒又增加到百九幾萬喇 XDXD
原本打算早啲起身去影相，好可惜第二朝落雨，浪費咗呢次既美景 >0<
民宿對出九份山上有好多墓地，入住前要留意啊。不過粒粒玲子唔係咁介意。
DAY 4 - DAY 5
九份 - 十分 - 菁桐 - 烏來
今日最後一日既行程好充實 九份 ＞ 十分 ＞ 菁桐 ＞ 台北 ＞ 最後一站烏來＞ 繼續享受溫泉浴。十分、菁桐有著古樸既鄉村風味，散發著淡淡幸福既感覺。好多電影，劇集都响呢度取景，黎到呢度，當然要玩最出名既放天燈啦 ~
今晚好型，包起咗成間鳥來民宿。除咗房間大外，每間房內都有私家溫泉，溫泉房內設備齊全，電視機都有呢！呢間民宿無論地理，房間設施，價錢都好正，有機會一定會再黎過！車泊民宿外幾十米，而步行到烏來大街亦只需5分鐘左右。
烏來龍門精緻溫泉民宿
地址： 233台灣新北市烏來區溫泉街116號
電話：+886 2 2661 8187
http://www.longmun.com.tw/
進房時間：星期一～星期五18:00後。
星期六.日及(例假日當天) 20:00後。
退房時間： 隔日12:00以前。
民宿主人介紹咗一間位於烏來老街既阿春美食，玲子媽媽話好耐未食過咁有雞味既土雞，紅燒水庫魚都好鮮甜。於烏來試咗一個好特別既生果，物如其名 <黃金果>，一個黃金果大約NT$200，但係有機會都會想再食，黃金果果肉為乳白色呈半透明膠質狀，帶有微黏性，果肉Ｑ甜，每個人食都既味道都各有不同，玲子一入口感到淡淡芒果香味，食完後有蜜糖既回甘；粒舅父食都蜜瓜味；粒爸爸食到柑味；玲子媽媽食到山竹味，玲子姐姐食到荔枝味。真係一個好神奇既水果！
慢遊完回民宿後，玲子收到九份民宿既電郵，玲子忘記咗還民宿大門鎖匙 =.=，好在玲子知道便利店有提供快遞服務，由烏來龍門民宿行去老街便利店只須5分鐘路程，方便快捷！
阿春美食
新北市烏來區烏來街109號
１０：００～２０：００（假日至２１：００）
http://0226617718.tw.tranews.com/
第二朝離開前見到烏來有一個公衆溫泉，呢度啲溫泉水超熱，佢地可以面不改容咁係度浸浴，真係非常佩服佢地！
哈哈，除咗玲子大懵攞咗人地條大門鎖匙外，粒粒都唔記得還返個車牌比人，所以一到香港，立刻係機場寄返比人，亦因為咁先知道原來機場既郵局星期日都會開架！
www.hongkongairport.com/chi/passenger/arrival/t1/airport-services-facilities/post-office.html
自駕遊TIPS：
1. 台灣自駕需要小心，粒粒認為咁多次自駕當中最困難的地方，市內自駕人多車多，尢其是多機車左穿右插，加上道路複雜，指示不清晰，而晚上駕駛燈光極不足夠，若有需要可找前坐乘客幫手留意路面狀況。郊外自駕比市內自駕安全單，但要留意機車易線行車，哈哈
2. 2016年6月更新了在台灣自駕遊無需要國際車牌，只要本港駕照就可以了(留台不超過30天)。
3. 台灣較偏遠地區的租車公司，有機會不租車給外國人，最好先查問租車公司。
4. 台灣租機車的費用沒有包括基本車保，亦沒有提供此服務，敬請小心駕駛。
5. 太魯閣中橫公路及蘇花公路多落石，前者亦入選世界十大危險公路之一
6. 台灣外島幾乎無汽車可以租，只有機車(香港的電單車)、電動單車或單車，駕機車係要有駕駛執照架，出發前最好與民宿溝通好，並要留意近年好多遊客在台灣自駕遊發生交通意外，而保險方面出現問題。