東京~富士五湖~伊豆

DAY 1 

香港 - 東京

2014年第一個trip再來日本振興經濟！由於粒粒請唔倒咁多日假，所以今次只能用30,000里換以下直航機票。

為咗爭取時間，今次乘搭零晨航班，索性賺埋瞓覺時間，一落機就開始行程，第一站 ~Moomin Cafe~ 食早餐，呢間早餐比起福岡既dinner好食，亦响呢度掃咗好多貨，買到有啲唔好意思.....

一場黎到Tokyo Skytree，順便行吓。可以俾錢上去睇吓，不過粒粒玲子興趣不大，無上到去，只於商場逛逛啫。

是日其實係Shopping day，去咗表參道、原宿行吓。行得倦就隨便搵間小食店坐下，但估不到呢間Mee's Pancake好好食，個人明明唔肚餓都可以食哂成碟Pancake。

DAY 2 - DAY 3

香港 - 御殿場- 富士五湖 - WACHIFIELD

一早起身去攞車出發去河口湖，租車公司話東京今日有雪，但無雪軚提供，玲子心諗，粒粒係冰島、芬蘭都揸過雪地，都係唔需要換雪軚，一口就答無問題，以前有揸雪地經驗，無雪軚都OK！ 點知......遇著創半世紀以來東京最大雪....

呢場雪唔講得笑，太大雪，經歷人生一次重大考驗，可以用黎寫成傳記~因為呢日要靠2次積雪來停車，飄移咗廿幾次，又上唔到斜路，但人車無事，藤原拓粒唯有放棄唔去河口湖，係御殿場留一晚避下雪先。粒粒玲子好慘，架車已經不受控制，一路搵酒店都話無房，搵到第三間時個日本叔叔好好人，打去第二間酒店留了名幫忙BOOK房，原本應該5分鐘車程就到，但中途架車又再飄移，衝咗去對頭車條線，最後用左差不多半個鐘先去到間酒店，可以有溫暖既床舖，真係超"感恩"

​*幸好係使用TOYOTA Rent a car，在日本有多間分店，當然火車站旁已有一間，粒粒玲子考慮到若明天都大雪既話响呢度還車轉搭火車，TOYOTA staff當然話無問題。

睇返日本新聞，呢場大雪令好多人車被困公路一晚，又好多交通意外，幸好粒粒玲子無事可以繼續行程，3個字形容"超感恩"繼續行程就去咗御殿場OUTLET逛下喇。

​

食完OUTLET FOODCOURT 就出發去河口湖，幸好富士山今日唔怕羞呢，街上有很多人砌雪人 ~ 呢一家雪人好可愛。

​

本來黎河口湖就係想去玲子最喜歡既WACHIFIELD 嘆個AFTERNOON TEA，但因積雪過多，所以未能營業呢....不過都不會太失望，皆因早2年粒粒玲子已經試過呢度Afternoon Tea，算喇，豈碼今次見到富士山，係唔錯既收穫了，出發去酒店喇。

今次間酒店位置於小室山山頂，除地理偏遠外，其他都超讚，呢間酒店有溫泉浸架~~~

ホテルアンビエント伊豆高原     

413-0235 静岡県, 伊東市, 大室高原3-490

雙人房+泊車+WIFI  ¥12,600

check in 完見肚餓去小室山附近睇下有咩食，見到間有得泊車外觀不似太貴又好像不錯既伊豆太郎，就入去醫肚。食日本野好真係少撞板，啲料好新鮮，份量又大，大約300港紙就可以大滿足！

川奈店店舗情報

住所　伊東市川奈1257-97電話番号　0557-45-5234営業時間　11：15～14：30　16：30～20：30

http://www.izutaro.co.jp/menu.php?obj=14&now=48 

粒粒玲子每次外遊都會逛下當地既超市，今次亦不例外，估唔到有好多花提供為做食材~~好靚啊~最後買埋日本草莓做今晚既甜品~再一個大滿足 ♥

DAY 4 - DAY6

伊豆河津 - 橫濱 Hello Kitty Cafe

今次黎日本最主要既節目就係到伊豆河津町欣賞櫻花， 河津町係繼沖繩後日本較早開櫻花既地方，花季約於每年2月頭開始。不過粒粒玲子咁好彩遇著創半世紀以來難得一見既大雪，所以欣賞唔倒櫻花既最佳時期，有關河津櫻詳情可到以下網址瀏覽好喜歡日本花祭除咗欣賞花外，路旁會有好多特色小食店增潻氣氛。

http://kawazuzakura.net/

​

呢架就係今次九死一生既烈火戰車。

最後遊走到橫濱 Hello Kitty Cafe Restaurant 嘆早餐。粒粒玲子不是Hello Kitty 粉絲，所以不知道原來她來自英國，而粒粒玲喜歡餐廳以Home Town英國為主題，所以專誠黎呢度嘆吓

呢度既環境、服務及食物水準都屬於高品質級數，Hello Kitty fans們絕對不能錯過啊！Cafe裝潢非常細緻，每個角落也暗藏了secret kitty。粒粒玲子當天係等Cafe一開舖就入去嘆早餐，所以感覺好似包場咁，如果唔想排隊就早少少去喇。

Hello Kitty Cafe Restaurant　

〒231-0861　横浜市中区元町1-50　元町パセオ2F　

TEL: 045-228-8118

営業時間：　9:00 – 21:00

http://hkcr.jp/