台灣~高雄~台東(太麻里 / 鹿野高台) ~台中(彩虹眷村)
DAY 1:
香港 - 高雄 - 台東
粒粒玲子一有時間就好想飛台灣一轉，今次粒粒一知道可以攞倒幾日假期就立刻以15000里X2換2張機票去高雄 ~
一落機就打電話比小馬租車，由高雄揸3個鐘頭到台東，今日沿途的收獲~海岸線日落。
第一日預咗好夜先到台東，搵間平平地既市中心酒店住。去台灣最好理想租小型車，因為居住市中心既民宿OR酒店，停車場會較細，而市中心道路亦較窄。
樂知旅店
台東市復興路145號
雅緻商旅客房 ( 1 間 ) 共 1 晚+早餐+WIFI+泊車
NT$ 1,400
無需揸車，落街就有野食，附近都有食店及商店。而第二朝早早餐，以台灣酒店民宿來講，呢度算係多款式。
DAY 2:
台東太麻里 - 鹿野高台
第二日就遊太麻里金針山，每年六至十二月均有金針花供觀賞或採收食用，最佳觀賞期為八～九月份，雖然當天未係最佳時侯，但都有好處，就係無咩人。
一場黎度買返包乾金針，不過都幾貴，要NT$200一包。
從山上望落去，係一望無際既海景。
07/07/13-15/07/13
9
days
機票 :
07JUL KA 香港HKG 1240 - 高雄KHH 1410
15JUL KA 高雄KHH 1505 - 香港HKG 1630
機票15,000里 + 稅及附加費HK$638
(付款時可選擇用其他外幣付款，最後選擇了以日元及用富邦付款，可賺取8倍積分)
台灣租車：(左軚)
車型: 1.5五座轎車
租車 07JUL 1400pm 高雄機場站小馬租車
還車 15JUL 1100am 高雄機場站小馬租車
NT$10,740
兌換外幣台幣 :
在台灣機場兌換台幣匯率較好
落山途中見到有釋迦冰棒，味道不錯，有啲似大樹菠蘿味。一邊享受釋迦冰棒，另一邊享受台東海景。
落山之後，粒粒玲子沿海岸線遊車河，去到美麗灣傍有既流動咖啡店呢，都幾好FEEL (不過隔離有間廟宇不停播竼音)...
今次黎台東，順便黎臺灣國際熱氣球嘉年華，嘉年華位於臺東鹿野高台，熱氣球表演於5AM及5PM，見時間差不多，先黎睇一轉黃昏波波。嘉年華入面都有好多野食，粒粒玲子最後於大草地享受晚餐。
http://balloontaiwan.taitung.gov.tw/
BOOK了間比較近臺東鹿野高台既酒店，雖然價錢貴咗D，但環境及食物都超有水準。房間超大，又可以响房內浸埋溫泉，而酒店仲有安排一D團體活動，就係一齊放天燈啦。
鹿鳴溫泉酒店
95544台東縣鹿野鄉中華路一段200號精緻溫泉雙人客房+WIFI+泊車+早餐 = NT$4500
DAY 3
鹿野高台 - 初鹿牧場
又係一大清早起身0500於鹿野高台睇波波，據知要响呢個時候天氣風向較為穩定，有利飛行，每星期都有唔同既波波主題，有興趣玩既話早D黎買飛喇。
check out後去咗同鹿嗚溫泉酒店好近既初鹿牧場。原本見到初鹿牧場有好多大POSTER都係一個大草原上有好多隻牛牛休閒食草，但到現場時個草原一隻牛都無，全部係個牛欄入面，無得同牛牛影靚相唯有同啲草影相喇..........初鹿牧場產品奶味濃郁，係買手信既好地方~
台東縣卑南鄉明峰村28鄰牧場1號
200哩客家粄條於台東都幾出名，位於台東縣鹿野鄉瑞源村瑞景路8號，一入店無睇價錢就豪點菜，相信唔會貴得去邊。而粄條呢樣野 ~ 評語：可以一試，但係蒜泥白肉超正，蒜泥味道香味濃郁，恰到好處。涼伴過貓(菜)，每口都有淡淡既麻油香味，味道清爽，正！
越簡單既食物就越難做得好，黃記蒽油餅外皮Q中帶脆，入口不太油膩，再去台東的話都想再食多次。
黃記蒽油餅台東縣台東市南海路36號旁 (位置都幾偏僻，近海邊的啊~)
去富岡漁港探路，因為去台灣蘭嶼&綠島，都係呢度上船，呢度有免費公共停車場，不過要睇下你好唔好運，有無位泊如果無免費停車位，附近有寄車服務，寄車好處豈碼有條鏈鎖住，要偷車都難啲。
DAY 4 - DAY 6
多良車站 - 墾丁
由於打風關係，取消咗去蘭嶼既行程，去咗被喻為台灣最美麗的火車站。
台東太麻里既多良車站係南迴線上一個已廢棄既小站，呢個車站位於廣闊大海旁，因而得此「最美麗的火車站」之美譽。係咁靚既車站最想就係等架火車出洞口，但車站係無火車時間表的，不過粒粒玲子有做功課或者現今世代可以即刻上網Check到由高雄到台東既火車時間。
http://twtraffic.tra.gov.tw/twrail/
由於打風關係，取消咗去蘭嶼既行程，逃跑到墾丁住一晚，呢間The House空間係於前一晚係Booking.com預訂，The House距離墾丁大街只需40公尺(步行約30秒)，位於鬧市中既靜巷內。是日都係响墾丁Hea吓。
The House空間屏東縣恆春鎮墾丁路佛光巷16號2人房+wifi+早餐+泊車=TW$3000
話說2012年由高雄去墾丁途中見到一間飛碟型豪宅，於搵酒店時見到原來呢間係酒店，所以今日既行程就係要豪一豪佢，住H會館。六星級既環境，六星級既服務，令住客有六星級既心情 ~ H會館有幾好，可以到呢個網址去細心欣賞http://www.h-resort.com/
H會館94352屏東縣獅子鄉竹坑村竹坑巷60號標準雙人房 + WIFI + 泊車 + 自助晚餐 + 早餐 = NT$6800
到H會館必定要到UFO Lounge 一遊啊~於360度海景餐廳一邊欣賞日落一邊嘆下午茶，人生一樂也 ~英式下午茶 平日 NT$450，假日 NT$800，不過講真，食物味道一般，但環境超正舒服啊。
High Tea完重未到食晚飯時間，再去泳池游吓水先。
H會館自助晚餐有多款食物，同香港價值HK$200既自助餐差不多，如果多啲海鮮會更好。會館於B1有兒童遊戲區、視聽遊樂區、閱讀室 ，呢個兒童遊戲區提供咗兩部免費籃球機，粒粒要玩到破哂2部機紀錄先肯返房瞓。
DAY 7 - DAY 8
台中彩虹眷村
今日打算去車程約1小時30分鐘既高雄火車站附近搵個地方安安全全落腳迎接颱風既來臨，但最後揸咗3個鐘頭車去咗台中~~~ 原因係 ~~~ 粒粒玲子既中學同學咁啱黎咗台中玩，咁難得既機會一定要聚一聚，為免大家呆等，約定於當晚下榻既碧根行館，樓下就係逢甲夜市，非常方便。
去得台中，順路去埋台中彩虹眷村，位於台中市南屯區春安里春安路56巷一踏進彩虹眷村，四周牆身、地板畫滿色彩繽紛、充滿特色既人像、動物等畫作；所有圖畫乃出自一位80多歲原藉香港既黃伯伯，黃伯伯估唔到原本既閒來畫作，會係網路上引起熱烈討論，更形成一股參訪風潮啊~
自駕遊TIPS：
1. 台灣自駕需要小心，粒粒認為咁多次自駕當中最困難的地方，市內自駕人多車多，尢其是多機車左穿右插，加上道路複雜，指示不清晰，而晚上駕駛燈光極不足夠，若有需要可找前坐乘客幫手留意路面狀況。郊外自駕比市內自駕安全單，但要留意機車易線行車，哈哈
2. 2016年6月更新了在台灣自駕遊無需要國際車牌，只要本港駕照就可以了(留台不超過30天)。
3. 台灣較偏遠地區的租車公司，有機會不租車給外國人，最好先查問租車公司。
4. 台灣租機車的費用沒有包括基本車保，亦沒有提供此服務，敬請小心駕駛。
5. 太魯閣中橫公路及蘇花公路多落石，前者亦入選世界十大危險公路之一
6. 台灣外島幾乎無汽車可以租，只有機車(香港的電單車)、電動單車或單車，駕機車係要有駕駛執照架，出發前最好與民宿溝通好，並要留意近年好多遊客在台灣自駕遊發生交通意外，而保險方面出現問題。